У Польшчы праз каранавірус закрылі ўсе школы і навучальныя ўстановы

Каранцін будзе доўжыцца 14 дзён.

Усе школы, дзіцячыя сады і ўніверсітэты ў Польшчы будуць закрытыя. Пра гэта паведаміў прэм'ер-міністр Польшчы Матэвуш Маравецкі, паведамляе rmf24.pl.

Усе навучальныя ўстановы будуць зачыненыя на два тыдні з панядзелка.

На сённяшні дзень у Польшчы 25 пацверджаных выпадкаў каранавіруса.

Музеі, кінатэатры і тэатры таксама закрываюцца ў якасці прафілактыкі эпідэміі віруса COVID-19.