САЗ назвала лекі, якія нельга прымаць пры каранавірусе

Гэта папулярны супрацьзапаленчы прэпарат.

У аўторак Сусветная арганізацыя здароўя рэкамендавала людзям, якія пакутуюць ад сімптомаў COVID-19, пазбягаць прыёму ібупрафена, піша «Новое время».

Гэта заява была зроблена пасля таго, як французскія афіцыйныя асобы папярэдзілі, што супрацьзапаленчыя прэпараты могуць узмацніць дзеянне віруса.

Папярэджанне рушыла следам за нядаўнім даследаваннем у медыцынскім часопісе «Ланцэт», у якім меркавалася, што фермент, стымулюемы супрацьзапаленчымі прэпаратамі, такімі як ібупрафен, можа спрыяць і пагаршаць інфекцыі COVID-19.

Адказваючы на пытанне аб гэтым даследаванні, прадстаўнік САЗ Крысціян Ліндмаер сказаў журналістам у Жэневе, што экспэрты агенцтва аховы здароўя ААН «вывучаюць гэта, каб даць далейшыя ўказанні».

«Тым часам, мы рэкамендуем выкарыстоўваць хутчэй парацэтамол, і не выкарыстоўваць ібупрафен у якасці самалячэння. Гэта важна. Але калі ібупрафен быў прызначаны медыцынскімі работнікамі, то, вядома, гэта іх справа», - сказаў ён.

Яшчэ да пандэміі французскія ўлады білі трывогу з нагоды сур'ёзных «інфекцыйных ускладненняў», звязаных з выкарыстаннем ібупрафена, які прадаецца пад рознымі брэндамі, такімі як Нурафен і Адвіл, і іншых супрацьзапаленчых прэпаратаў.

Прадстаўнік брытанскай фармацэўтычнай кампаніі Reckitt Benckiser, якая выпускае Nurofen, заявіў, што кампанія ведае пра праблемы, звязаныя з «выкарыстаннем стэроідных і нестэроідных супрацьзапаленчых (NSAID) прадуктаў, уключаючы ібупрафен, для палягчэння сімптомаў COVID-19».

Дадамо, яшчэ 15 сакавіка міністр аховы здароўя Францыі неўролаг Аліўе Веран заявіў, што здароўе хворых каранавірусам можа пагоршыцца пры лячэнні супрацьзапаленчымі прэпаратамі, такімі як ібупрафен.