«Абслугу з Драздоў адпусцілі на два тыдні выходных?»

Праўда ўсё адно выйдзе на паверхню.

Пра гэта піша адная з карыстальніц «Фэйсбука»:

- Сябры, якія жывуць у Беларусі! Сітуацыя праз каранавірус сапраўды сур'ёзная! Патрабуйце карантыну. Упэўнена, што 36 выпадкаў (на момант публікацыі Міністэрства аховы здароўя заявіла пра 51 зафіксаваны выпадак - заўв. Сharter97.org) - гэта не праўда. Ведаю, што захварэлым не хацелі даваць лісткі непрацаздольнасці і браць мазкі на гэты вірус. Напэўна, быў загад зверху, каб не псаваць лічбы і не парушаць «спакой». Чула, што быццам абслугу з Драздоў тыдзень таму адпусцілі на два тыдні выходных. Лекары заклікаюць, каб людзі сядзелі дома, каб гэты вірус не распаўсюджваўся. Каб не было так, як у Італіі, каб было дастаткова дапамогі для всех. Маладыя і здаровыя перажывуць, але хворыя людзі і старэйшыя - не. Праўда ўсё адно выйдзе на паверхню ў свой час, але якія наступствы будуць!