Facebook выплаціць усім супрацоўнікам бонус па $1000

Гэта сума - кампенсацыя за каранцін.

45 тысяч супрацоўнікаў Facebook атрымаюць бонус да заробку ў суме тысячы даляраў, піша knife.media. Паведамляецца, што гэтая выплата - кампенсацыя за каранцін, устаноўлены для стрымлівання распаўсюду COVID-19.

Аб планаваных выплатах распавёў Марк Цукерберг. На ягоныя разлікі, бонус дапаможа ўсім, хто перайшоў на дыстанцыйны рэжым працы і вымушаны марнавацца на ўладкаванне хатніх офісаў, а таксама на догляд за дзецьмі.

Адзначаецца, што кампанія выплаціць па тысячы даляраў толькі штатным супрацоўнікам, а не падрадчыкам. Раней кіраўнікі Facebook таксама заявілі, што прадоўжаць выплачваць пагадзінны заробак прыбіральшчыкам і работнікам кафэтэрыяў, нягледзячы на скарачэнне працоўнага часу.