Мянчанка: Усім зразумела, што каранцін трэба ўводзіць тэрмінова

Пакуль міністэрства адукацыі адмоўчваецца, бацькі бяруць ініцыятыву ў свае рукі.

У прэс-службу грамадзянскай кампаніі «Еўрапейскай Беларусі» звярнуліся занепакоеныя бацькі вучняў адной са школ горада Менска ў Фрунзенскім раёне:

- Нашы дзеці наведваюць трэці клас і можам дакладна сказаць, што ў гэтым дзіцячым калектыве адбываюцца дзіўныя рэчы. Прыблізна два з паловай тыдні таму ў бацькоўскі чат сталі паступаць паведамленні аб тым, што нейкае дзіця не прыйдзе ў школу з прычыны хваробы. На сёння мы налічылі 14 дзяцей з нашага класа (у класе 29 чалавек), якія не ходзяць у школу праз хваробу. І гэта толькі тыя, хто напісаў пра гэта ў публічны чат! Таксама прасочваецца інфармацыя аб тым, што некаторыя педагогі сыходзяць на бальнічны.

Што тычыцца сімптаматыкі - яна ва ўсіх падобная: павышэнне тэмпературы цела, пачырваненне горла, запаленне лімфатычных вузлоў. Характэрна, што большасць захварэлых дзяцей вось ужо другі тыдзень сядзяць на бальнічным лісце з прычыны цяжкага лячэння, шматлікім прызначаюць антыбіётыкі. Таксама захворванне перадаецца і дарослым.

На гэтым фоне бацькі яшчэ не захварэлых дзяцей пішуць пра тое, што адмаўляюцца весці дзяцей у школу, каб не справакаваць, ужо відавочна, непазбежную хвароба.

Адміністрацыя школы на нейкія прычыны не ўводзіць каранцін, але рэкамендуе дзецям з сімптомамі прастуды часова не наведваць навучальную ўстанову. Хаця ўсім зразумела, што каранцін трэба ўводзіць тэрмінова! Нават і без каранавірусу. А з ім так і пагатоў.

Хочацца папярэдзіць усіх астатніх: калі ў вашай школе, каледжы, інстытуце, пачалося нешта падобнае - устрымайцеся ад таго, каб дзіця наведвала навучальную ўстанову, падумайце аб ягоным здароўі! Беражыце дзіцячы імунітэт ва ўмовах пандэміі COVID-2019.