«Іслач» атрымала ліцэнзію на сезон-2020
1- 18.03.2020, 21:06
- 12,772
Клуб выплаціў пратэрмінаваную запазычанасць за 2019 год.
18 сакавіка ў Доме футбола адбылося паседжанне апеляцыйнага камітэта па клубнаму ліцэнзаванню БФФ. На ім была разгледжаная апеляцыя «Іслачы» на рашэнне Камітэта клубнага ліцэнзавання.
Паколькі «Іслач» выплаціла пратэрмінаваную запазычанасць за 2019 год, і падала неабходныя дакументы аб праведзенай аплаце, апеляцыйны камітэт клубнага ліцэнзавання задаволіў апеляцыйную скаргу.
Такім чынам, футбольны клуб «Іслач» дапушчаны да ўдзелу ў вышэйшай лізе ў сезоне 2020 года, паведамляе афіцыйны сайт БФФ.
