Алесь Круткін: Студэнты і школьнікі, заставайцеся дома
2- 23.03.2020, 11:52
- 13,849
![Алесь Круткін: Студэнты і школьнікі, заставайцеся дома](https://i.c97.org/ai/359507/aux-head-1576748685-20191219_ales_krutkin_360.jpg)
Трэба думаць лагічна.
Відэаблогер і актывіст «Еўрапейскай Беларусі» Алесь Круткін апублікаваў відэазварот да беларусаў у сувязі з пачаткам Народнага карантыну, паведамляе прэс-служба грамадзянскай кампаніі.
- Студэнты Менскага дзяржаўнага лінгвістычнага ўніверсітэта перасталі выходзіць на заняткі. Не адразу - спачатку яны сабралі сотні подпісаў пад петыцыяй з патрабаваннем аб увядзенні карантыну праз пандэмію каранавіруса. Кіраўніцтва ВНУ іх праігнаравала. Тады студэнты самі наважылі абвясціць карантын і застацца дома - каб абараніць сябе і сваіх блізкіх.
Маладыя людзі, якія рэгулярна камунікуюць з замежнікамі і ведаюць мовы, яшчэ з савецкіх часоў мелі перадавыя погляды. Лінгвістычны, вы малайцы!
Карантын павінен быць масавым. Школьнікі, студэнты - гэта не толькі наша будучыня, але і адна з найбольш уразлівых для распаўсюджвання заражэння група насельніцтва. Бо маладыя людзі шмат падарожнічаюць, размаўляюць. Нездарма першыя выпадкі каранавіруса ў Беларусі былі зафіксаваныя ў БНТУ і БДУ.
Падтрымайце ініцыятыву студэнтаў МДЛУ. Падтрымайце адказных палітыкаў, лекараў, грамадскіх дзеячаў, якія штодня гавораць аб патрэбе ўвядзення карантыну. Цяпер вельмі небяспечна з'яўляцца ў месцах масавага збору людзей. Не хадзіце ў госці да сваіх паджылых бацькоў, улюбёных бабуль і дзядуль. Іх жыццё знаходзіцца пад пагрозай. Але не трэба думаць, што маладыя людзі - у бяспецы. Мы ўсе пад пагрозай. Улічваючы маўчанне уладаў, гэтая пагроза узрастае ў шмат разоў.
Студэнты і выкладчыкі! Вы маеце або атрымліваеце вышэйшую адукацыю. Яна мае на ўвазе не толькі наяўнасць ведаў, але і ўменне свабодна, крэатыўна, а самае галоўнае лагічна, думаць! Здаровы сэнс цяпер падказвае наступнае: патрэбны поўны карантын! Сядзіце дома і патрабуйце дыстанцыйнага навучання ў гэтыя трывожныя дні!
З 23 сакавіка ніхто не абавязаны хадзіць на пары! Карпенка хаваецца ўжо другі месяц. Ягонаму жыццю, у адрозненне ад нашага, нічога не пагражае. Лукашэнка здае аналізы двойчы на дзень, правяраюць усіх, з кім ён мае камунікуе.
Выратаванне тапельцаў - справа рук саміх тапельцаў. Банальныя і цынічныя словы. Але цяпер у ролі тапельцаў усе мы, увесь беларускі народ. Наша выратаванне - наша справа.
Народны карантын - з 23 сакавіка.