Міністэрства аховы здароўя: У Беларусі зафіксаваны 81 выпадак заражэння каранавірусам

Інфармацыя пра колькасць заражаных не абнаўлялася цягам двух дзён.

Як паведамляе Міністэрства аховы здароўя, у Беларусі, паводле звестак на 23 сакавіка, 81 выпадак каранавірусу, піша tut.by.

Паводле звестак на 21 сакавіка, у Беларусі было нібыта зафіксавана 76 выпадкаў каранавірусу, 15 пацыентаў былі выпісаныя з медыцынскіх установаў. Атрымліваецца, што паводле статыстыкі Міністэрства аховы здароўя за два дні ў краіне выявілі толькі пяць новых выпадкаў.

Паводле інфармацыі Міністэрства аховы здароўя, на сёння ў Беларусі праведзена больш за 21 тыс. тэстаў на COVID-19. Тэставанне праводзіцца з 23 студзеня.

Нагадаем, шэраг незалежных экспертаў мяркуе, што ў Беларусі наўмысна хаваецца рэальная колькасць выпадкаў заражэння каранавірусам. Улады не ўжываюць захады карантыннага характару.

Менавіта з гэтай прычыны лідары беларускай апазіцыі і грамадзянскай супольнасці прапанавалі ўвесці ў краіне Народны карантын.

Нагадаем таксама і пра камунікацыйныя няўдачы Міністэрства аховы здароўя – інфармацыя пра колькасць заражаных не абнаўлялася цягам двух дзён.