Суд па MH17 просіць рассакрэціць спадарожнікавыя здымкі ЗША з ракетай
20- 23.03.2020, 17:38
- 23,451
![Суд па MH17 просіць рассакрэціць спадарожнікавыя здымкі ЗША з ракетай](https://i.c97.org/p/articles/2015/ai-173432-aux-head-20151013_MH17_Reuters_360.jpg)
Слуханні ў Гаажскім судзе адклалі на чэрвень.
Суд у Гаазе паводле справы аб катастрофе MH17 запытаў спадарожнікавыя здымкі ЗША, на якіх зафіксаваны запуск ракеты па пасажырскаму самалёту. Пра гэта піша РБК са спасылкай на мясцовае выданне NRC.
Паведамляецца, што суд запытаў у нідэрландскай пракуратуры спадарожнікавыя здымкі ЗША, якія застаюцца засакрэчанымі. Суд цікавіцца, ці могуць гэтыя здымкі рассакрэціць і дадаць у крымінальную справу.
Адзначым, неўзабаве пасля катастрофы 17 ліпеня 2014 года тагачасны дзяржсакратар ЗША Джон Кэры заявіў, што ёсць довады запуску ракеты. Пры гэтым пракурору Нідэрландаў адкрылі доступ да гэтых здымкаў.
Таксама паведамляецца, што на сённяшніх слуханнях абарона пацярпелых атрымала копію крымінальнай справы. Акрамя таго, следчаму суддзі перадалі справу Алега Пулатава і трох іншых абвінавачаных да наступных слуханняў 8 чэрвеня. Следчы суддзя павінен вызначыць, якія часткі перакладуць на расейскую мову для падсудных.
Чакаецца, што асноўны разгляд справы пачнецца налета.