Міністэрства аховы здароўя выдаліла свой допіс з фразай пра бескантрольнае распаўсюджванне каронавіруса
15- 23.03.2020, 19:27
- 64,403
![Міністэрства аховы здароўя выдаліла свой допіс з фразай пра бескантрольнае распаўсюджванне каронавіруса](https://i.c97.org/ai/370513/aux-head-1584980820-20200323_minzdraw_karantin_360.jpg)
Спрацавала цэнзура?
Сёння, 23 сакавіка, Міністэрства аховы здароўя зрабіла допіс у сваім Telegram-канале пра тое, што беларускія медыкі далучыліся да сусветнага флэшмобу #StayAtHome.
Як піша Telegram-канал «Беларусь галаўнога мозгу», у ім гаварылася:
«Беларускія лекары просяць не грэбаваць санітарна-эпідэмічнымі нормамі і, па магчымасці, сацыяльным дыстанцыяваннем. Такія захады ў комплексе з працай санітарна-эпідэміялагічнай службы (па выяўленні і ізаляцыі ўсіх магчымых кантактаў) здольныя забяспечыць эфектыўную абарону ад некантралюемага распаўсюджвання віруса...».
![](https://i.c97.org/ai/370513/aux-1584980541-v4uwqgsm1kZJOQZB3cmAGA.jpg)
![](https://i.c97.org/ai/370513/aux-1584980560-pQob2e6FQdR3S0DB9ROTuw.jpg)
Допіс быў апублікаваны а 15:22, але вельмі хутка знік. А 15:23 з'явіўся зноў у адрэдагаванай версіі, без фразы пра некантралюемы распаўсюд віруса. Цяпер ён заканчваецца так:
«Беларускія лекары і эпідэміёлагі просяць не грэбаваць санітарна-эпідэмічная нормамі і, па магчымасці, сацыяльным дыстанцыяваннем».
![](https://i.c97.org/ai/370513/aux-1584980621-V_iKwBUMFy-jQRFR8KEzUQ.png)