Ва ўрадзе Нямеччыны абвясцілі вынік тэсту Мэркель на каронавірус

Канцлерка знаходзіцца на карантыне.

Канцлерка Нямеччыны Ангела Мэркель, якая знаходзіцца ў карантыне з вечара нядзелі, здала тэст на каронавірус.

Пра гэта паведамляе https://www.eurointegration.com.ua/rus/news/2020/03/23/7107883/«Европейская правда» са спасылкай на Spiegel.

«Вынік сённяшняй праверкі негатыўны, - заявіў афіцыйны прадстаўнік урада Штэфен Зайберт у Бэрліне. - У найбліжэйшыя дні будуць праведзены дадатковыя аналізы».

У пятніцу Мэркель зрабіла прафілактычную прышчэпку ад пнеўмакокавай інфекцыі. Канцлерка праінфармавалі ў нядзелю ўвечары, што яе лекар атрымаў станоўчы вынік на каронавірус. Пасля гэтага Мэркель ізалявалася дома.

«Канцлерка адчувае сябе добра», - сказаў Зайберт у панядзелак удзень. Мэркель старшынствавала на пасяджэнні ўрада ў панядзелак у тэлефонным рэжыме і цяпер выконвае сваю працу з дома.

Зайберт абвясціў у нядзелю, што канцлерку будуць рэгулярна правяраць на працягу наступных некалькіх дзён, таму што сам па сабе тэст не дае канчатковага выніку. Мэркель знаходзіцца ў сваёй бэрлінскай кватэры.