Колькасць ахвяр каронавіруса ў свеце перавысіла 15 тысяч
2- 23.03.2020, 21:21
- 10,238
![Колькасць ахвяр каронавіруса ў свеце перавысіла 15 тысяч](https://i.c97.org/ai/369075/aux-head-1584002289-20200312_virus_italy_Getty_360.jpg)
Агульная колькасць выпадкаў інфікавання ў свеце перавысіла 350 тысяч.
Колькасць ахвяр інфекцыі COVID-19, выкліканага новым каронавірусам, ва ўсім свеце перавысіла 15 тысяч, вынікае са звестак амерыканскага Інстытута Джонса Хопкінса, які вядзе статыстыку, паведамляе «Радио Свобода».
Больш за 9 тысяч прыпадае на краіны Еўропы, у тым ліку больш за палову - на Італію. Больш за 3 тысячы чалавек памерлі ў Кітаі, адкуль у снежні мінулага года пачала распаўсюджвацца інфекцыя.
За мінулыя дні ў Гішпаніі зафіксаваны новы рэкорд колькасці смерцяў ад каронавіруснай інфекцыі - памерлі 462 чалавекі (за ўвесь час - больш за дзве тысячы).
Агульная колькасць выпадкаў інфікавання ў свеце ўдзень 23 сакавіка перавысіла 350 тысяч. Большая частка прыпадае на краіны Еўропы і ЗША, дзе ўжо больш за 35 тысяч заражаных.
Больш за 100 тысяч чалавек з гэтых 350 тысяч прызнаныя здаровымі.
Больш за 230 тысяч працягваюць лячэнне.