На Аляксея Навальнага напалі пры ўваходзе на радыёстанцыю «Эхо Москвы»
13- 25.03.2020, 18:03
- 44,209
ФОТА: AP
Яго абсыпалі мукой.
На кіраўніка Фонду барацьбы з карупцыяй Аляксея Навальнага напалі невядомыя пры ўваходзе на радыёстанцыю «Эхо Москвы». Пра гэта палітык паведаміў у сваім твітэры, выклаўшы відэа наступстваў нападу, паведамляе «Радыё Свабода».
Са слоў Навальнага, яго абсыпалі мукой і аблілі вадкасцю, падобнай на абрызглае малако. «Напэўна яшчэ і з каранавірусам», - дадаў палітык, назваўшы напданікаў дэгенератамі і атрадамі Пуціна. Пазней ён заявіў, што на яго напалі тыя ж самыя людзі, якія ў красавіку 2017 года аблілі яго зялёнкай, у выніку чаго Навальны атрымаў хімічны апёк вока.
Аляксей Навальны прыехаў на радыёстанцыю «Эхо Москвы», каб удзельнічаць у эфіры праграмы «Умоўна ваш», якую вядзе былы абвінавачаны паводле маскоўскай справы Ягор Жукаў.
Отряды Путина в действии. Пришёл на «Эхо». У входа три дегенерата. Обсыпали меня мукой и облили прокисшим молоком каким-то. Наверняка все ещё и с коронавирусом. А вы говорите карантин pic.twitter.com/J4hr9fT1xv
— Alexey Navalny (@navalny) March 25, 2020
