Як беларускім аўтамабілістам атрымаць максімальныя выплаты паводле страхоўкі?

Рэкамендацыі спецыялістаў.

Прайшлі тыя часы, калі страхавыя кампаніі выплачвалі добрыя грошы за рамонт аўтамабіля, піша abw.by. Сёння многія кіроўцы задаюцца пытаннем: што рабіць, калі пасля ДТЗ страхавая выплаціла недастаткова сродкаў на рамонт?

1. Кіроўца піша заяву ў страхавую кампанію. Калі аўтамабіль не моцна біты, то прадстаўляе яго самастойна для першага агляду. Пры гэтым лепш за ўсё першы агляд праводзіць у аўтасэрвісе - так больш шанцаў, што ацэнка будзе праведзеная аб'ектыўна.

2. Кузаўны рамонт пасля ДТЗ паводле страхоўкі пачынаецца з ацэнкі пашкоджанняў аўтамабіля і аналізу акта агляду, які выдае страхавая кампанія. Калі ёсць рознагалоссі ці няўлічаныя скрытыя пашкоджанні, то ў аўтасэрвіс выклікаецца страхоўшчык для другога агляду аўтамабіля.

Кожны агляд - гэта пералічэнні і выплата грашовых сродкаў вам праз банк. Выплат звычайна ў сукупнасці не стае як на рамонт, так і на запчасткі. Страхавая лічыць паводле самых мінімальных норм-гадзінах па горадзе або вобласці, аналагічна і паводле запчастак.

Далей большасць кіроўцаў карыстаецца не моцна выгадным варыянтам, застаючыся ў мінусе. Хтосьці рамантуе за свае грошы, не разбіраючыся ў нюансах. Хтосьці - у гаражы або на звычайнай СТА, прычым потым ідуць з няправільна запоўненымі дакументамі - страхавыя іх не прымаюць. Таксама могуць прапанаваць спіс "цікавых" СТА ад страхавой кампаніі - іх паслугамі рэдка хто карыстаецца са зразумелых прычын.

Каб страхавая выплаціла вам усю суму, патрэбна адмысловая сертыфікаваная праграма і майстар, які пры дэфектоўцы часам уступае ў спрэчку з ацэншчыкам. Досвед зносін важны, нельга ўзяць лічбы з паветра і зафіксаваць іх у замове-нараду і чэку.

Для дадатковых выплат важная і правільная купля запчастак з адпаведнымі дакументамі (не ўсе прадаўцы імі валодаюць). Часам запчасткі нельга знайсці ў Беларусі, тады СТА заказвае іх з Расеі, ЗША, балтыйскіх краін. Больш за тое, яшчэ і запчасткі трэба абраць у добрым стане.