Сіноптыкі: У панядзелак будзе да плюс 6 градусаў

Мокры снег з дажджом і парывісты вецер чакаюцца ў Беларусі 30 сакавіка.

Парывісты вецер і да плюс 6 градусаў чакаецца ў Беларусі 30 сакавіка, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Будзе воблачна з праясненнямі. Уночы і раніцай на большай частцы тэрыторыі краіны, удзень на паўднёвым усходзе чакаюцца ападкі (снег, мокры снег, дождж). На асобных адцінках дарог прагназуецца галалёдзіца. Вецер паўночны парывісты, месцамі моцны парывісты да 15-18 м/с.

Тэмпература паветра ўначы складзе ад мінус 5 градусаў на паўночным захадзе да 2 градусаў цяпла на паўднёвым усходзе краіны. Удзень будзе ад 0 да плюс 6 градусаў.