У Канадзе пачалі трансляваць паўночнае ззянне онлайн

Сезон самага эфектнага назірання доўжыцца да канца красавіка.

У Канадзе ўсталявалі камеру, якая транслюе паўночнае ззянне онлайн. Яна знаходзіцца ў даследчым цэнтры ў горадзе Чэрчыль. На сайце напісана, што гэта адно з самых найлепшых месцаў для назірання, піша 34travel.me.

Сезон самага эфектнага ззяння ў гэтых месцах стартуе ў снежні і доўжыцца да канца красавіка. Праз пандэмію каранавіруса патрапіць туды пакуль немагчыма. Але каб турысты яго не прапусцілі, кампанія Explore арганізавала онлайн-трансляцыю.