У Беларусі будзе холадна ўвесь тыдзень

Зіма яшчэ не збіраецца сыходзіць.

Зіма, якая так і не прыйшла ў належны ёй каляндарны час, надумала наганяць упушчанае вясной. І не вельмі добрая навіна: холадна будзе ўвесь тыдзень. Пра гэта паведамляе Белгідрамет Мінпрыроды, піша tut.by.

У апошні сакавіцкі дзень, 31 сакавіка, надвор'е будзе вызначаць у асноўным вобласць падвышанага атмасфернага ціску, сфармаваная ў халодным паветры. У многіх рэгіёнах краіны будзе без ападкаў. Толькі ўночы на паўднёвым усходзе, а днём на захадзе краіны, будуць знаходзіцца пад уплывам франтальных раздзелаў, пройдзе снег, на захадзе Берасцейскай і Гарадзенскай абласцей у сярэдзіне дня з дажджом. Уночы і раніцай на асобных адцінках дарог галалёдзіца. Вецер паўночны, паўночна-заходні сярэдні, на ўсходзе парывісты. Тэмпература паветра мінімальная ўночы -3... 9°С, максімальная ўдзень +1... 7°С.

1 красавіка, у сераду, уночы пад абаронай вобласці падвышанага ціску ў асноўным чакаецца без ападкаў, раніцай і днём адаб'ецца ўплыў франтальнага падзелу і пераважна на паўночнай палове краіны пройдуць кароткачасовыя ападкі - мокры снег, дождж. Уночы і раніцай на асобных адцінках дарог галалёдзіца. Вецер заходні сярэдні, удзень парывісты. Тэмпература паветра мінімальная ўночы -2... 8°С, на паўднёвым усходзе пры праясненнях паніжэнне да -10°С, максімальная ўдзень +2... 9°С. Такі тэмпературны фон адпавядае першым дням сакавіка.

2 красавіка, у чацвер, варункі надвор'я ў нашай краіне стануць фармаваць франтальныя раздзелы ад атлантычнага цыклона, які трымае шлях на Скандынаўскі паўвостраў. Халоднае паветра пакіне Беларусь, і тэмпературны рэжым паступова вернецца ў сваю кліматычную норму. Чакаецца тэмпература паветра ноччу -3... +3°С, максімальная ўдзень +5... 10°С. Будзе шмат аблокаў. На значнай частцы тэрыторыі пройдуць ападкі - мокры снег, дождж. Ноччу і раніцай у асобных раёнах слабыя туман і галалёд, на дарогах дзе-нідзе галалёдзіца. Вецер паўднёва-заходні сярэдні, днём парывісты.

3 красавіка, у пятніцу, пад уплывам няўстойлівых вільготных акіянічных паветраных мас ноччу месцамі, а днём на большай частцы тэрыторыі краіны пройдуць кароткачасовыя ападкі - дождж, мокры снег. Вецер паўднёва-заходні парывісты. Тэмпература паветра мінімальная ноччу -2... +3°С, максімальная ўдзень +6... 12°С, на паўднёвым усходзе Гомельскай вобласці на пару градусаў цяплей.

Згодна з папярэднім прагнозам на гэтыя выхадныя, тэмпературны фон істотна не зменіцца, а ападкаў стане менш.