Лядовы палац перапоўнены целамі загінулых ад каранавіруса

Такога ніхто не чакаў.

Са звестак на нядзелю, 29 сакавіка, колькасць загінулых ад каранавіруса у Гішпаніі склала 6 528 чалавек, а ўсяго заразіліся амаль 78 тысяч чалавек. У краіне дзейнічае рэжым падвышанай гатоўнасці. Гішпанцам забаронена пакідаць свае дамы без вострай неабходнасці

Пераўтвораны ў найбуйнейшы морг Лядовы палац у Мадрыдзе, куды толькі 24 сакавіка пачалі звозіць целы загінулых ад каранавіруса, за пяць дзён апынуўся перапоўнены, паведамляе newsru.com.

У спартыўным комплексе плошчай амаль 2 тысячы квадратных метраў трупы складалі на лёд катка, бо рытуальныя службы не паспявалі імі займацца і своечасова праводзіць пахаванне. Але велізарных плошчаў Лядовага палаца не дастаткова.

Цяпер у мэрыі Мадрыда заявілі, што з панядзелка, 30 сакавіка, будзе арганізаваны яшчэ адзін вялікі морг для сканалых ад каранавіруснай інфекцыі. Ён таксама будзе часовым. Гэта выключная мера, падкрэслілі ў сталічным ўрадзе. Ён размесціцца ў будынку El Dónut інстытута судовай анатоміі ў Вальдэбебасе, паведамляе El Pais. Там будуць арганізаваны сотні камер для трупаў.

Са звестак на нядзелю, 29 сакавіка, колькасць загінулых ад каранавіруса у Гішпаніі склала 6 528 чалавек, а ўсяго заразіліся амаль 78 тысяч чалавек. У краіне дзейнічае рэжым падвышанай гатоўнасці. Гішпанцам забаронена пакідаць свае дамы без вострай неабходнасці. За парушэнне карантыну прадугледжаны вялікія штрафы.

У суботу, 28 сакавіка, старшыня ўрада Гішпаніі Пэдра Санчэс абвясціў, што ўмовы карантыну, абвешчанага праз распаўсюджванне каранавіруса, становяцца яшчэ больш жорсткім. Цяпер усім, чыя праца не з'яўляецца жыццёва неабходнай, варта заставацца дома з 30 сакавіка да 9 красавіка. Падчас карантыну гішпанцы будуць працягваць атрымліваць заробак, а прапушчаныя дні адпрацуюць потым. З дапамогай гэтай меры ўлады ГІшпаніі хочуць максімальна абмежаваць перамяшчэння грамадзян і стрымаць распаўсюд COVID-19.