Сітуацыя з каранавірусам у Баранавічах: апошнія звесткі

Наколькі дакладная інфармацыя ўладаў?

На раніцу 9 сакавіка пацверджаных выпадкаў захворвання каранавірусам COVID-19 у Баранавічах няма. Пра гэта паведаміў намеснік галоўнага лекара цэнтральнай паліклінікі Анатоль Спірыдо, піша мясцовае выданне «Наш край».

- Усе шэсць пацыентаў, якія ляжалі ў інфекцыйным аддзяленне гарадской лякарні, выпісаныя дадому, - дадаў Анатоль Віктаравіч. - Узятыя ў іх тэсты на выяўленне віруса далі адмоўныя вынікі. А ўсе жыхары рэгіёну, якія прыбываюць у Баранавічы з неспрыяльных на захворванне каранавірусам рэгіёнаў свету, бяруцца пад штодзённае назіранне.

Загадчыца ЦРА № 10 Святлана Барткевіч пацвердзіла, што ўпаў попыт на медыцынскія маскі. За выходныя іх практычна не прадавалі. Цяпер у цэнтральнай аптэцы ёсць шматразовыя медыцынскія маскі беларускай вытворчасці (бабруйскай «Славянкі»). Днях чакаюць паступлення такіх жа вырабаў з БВБА.

- Усе гэтыя маскі шматразовыя, шматслойныя, іх зручна мыць, можна кіпяціць, гладзіць гарачым прасам і паўторна выкарыстоўваць, - дадала Святлана Канстанцінаўна.