Навукоўцы распавялі пра гастранамічныя перавагі неандэртальцаў

Звесткі былі атрыманы пасля раскопак у партугальскай пячоры.

Новыя даследаванні паказваюць, што неандэртальцы, якія жылі ў Партугаліі на працягу апошняга ледніковага перыяду, гэтак жа захапляліся рыбнай лоўляй, як і продкі сучасных людзей, піша «Новое время».

Навукоўцы мяркуюць, што малюскі, ракападобныя, рыба, птушкі і марскія сысуны, такія як дэльфіны, складалі палову рацыёну гэтай групы неандэртальцаў.

Гэта робіць іх знаходлівымі паляўнічымі-збіральнікамі з паводзінамі, больш блізкімі да сучаснага Homo sapiens, чым хто-небудзь мог сабе ўявіць, падкрэсліваюць аўтары працы з Універсітэта Барсэлоны.

Раскопкі ў пячоры Фігейра-Брава каля Сетубала ў Партугаліі выявілі старажытныя сметнішчы бытавых адкідаў, датаваныя прыкладна 106 000 і 86 000 гадоў назад, запоўненыя косткамі і ракавінамі марскіх жывёл. Там жа знаходзілі і больш традыцыйнае смецце, да прыкладу - косткі аленяў.

Важным фактам з'яўляецца тое, што тлустыя кіслоты, якія змяшчаюцца ў дыеце з морапрадуктаў, такія як Амега-3, могуць стымуляваць развіццё мозгу. Даследнікі сцвярджаюць, што такога кшталту харчовыя звычкі спрыялі «з'яўленню кагнітыўнай і паводніцкай сучаснасці» ў старажытных людзей.

«Пячора Фігейра-Брава забяспечвае першую справаздачу аб значным спажыванні марскіх рэсурсаў сярод неандэртальцаў Еўропы. Пададзеныя звесткі прыводзяць да далейшых сумневам ў разрыве паводзін, які калісьці лічыліся адрозненнем неандэртальцаў ад сучасных людзей», - пішуць даследчыкі ў сваім артыкуле.

Са слоў даследнікаў, адлегласць паміж паселішчам і узбярэжжам (каля двух кіламетраў) дазваляе выказаць здагадку, што неандэртальцы выкарыстоўвалі кашы або нешта накшталт торбаў для рыбалкі.