Міністэрства аховы здароўя больш не паведамляе, колькі ў Беларусі заражаных каранавірусам

Міністэрства аховы здароўя перастала публікаваць нават заніжаную статыстыку.

Міністэрства аховы здароўя пацвердзіла, што ў Беларусі зарэгістраваны першы выпадак смерці ўзроставага пацыента з наяўнасцю шматлікіх хранічных захворванняў, паводле папярэдніх звестак, абцяжараных каронавіруснай інфекцыяй. Аб гэтым паведамляецца ў афіцыйным тэлеграм-канале міністэрства.

За апошні дзень у лячэбныя ўстановы краіны з падазрэннем на каронавірусную інфекцыю паступілі 11 чалавек, выпісаныя 128 чалавек, у тым ліку шэсць пацыентаў, у якіх раней тэст на COVID-19 даў станоўчы вынік. У тэлеграм-канале не паведамляецца, колькі пацыентаў, інфікаваных каранавірусам, знаходзяцца пад медыцынскіх назіраннем. Таксама не паведамляецца колькасць заражаных з пачатку ўспышкі ў Беларусі.

Учора, 30 сакавіка, былі зарэгістраваныя 152 выпадкі каранавірусу, з іх 47 пацыентаў ужо паправіліся.

Раніцай 31 сакавіка стала вядома, што першая смерць хворага з каранавірусам у краіне адбылася ў Віцебску: там памёр 75-гадовы актор Коласаўскага тэатра, заслужаны артыст Рэспублікі Беларусь Віктар Дашкевіч.

Пазней Лукашэнка паведаміў, што толькі ў Віцебску 10 лекараў заразіліся каранавірусам ад пацыентаў.

Як паведамлялі раней лекары, колькасць заражаных каранавірусам у Беларусі значна большая, чым паведамляе Міністэрства аховы здароўя.