Кірыл Руды пакінуў дзяржаўную службу

Экс-амбасадар Беларусі ў Кітаі знайшоў новую працу.

Самы вядомы эканаміст, ідэйны натхняльнік лібералаў-рэфарматараў, экс-амбасадар Беларусі ў Кітаі і экс-дарадца Кірыл Руды пакінуў дзяржаўную службу. З красавіка ён - незалежны дырэктар Finstore.by, праекта Банка БелЗЭБ. Гэтую інфармацыю tut.by пацвердзіў сам Руды.

Кірыл Руды нарадзіўся ў 1978 годзе. Выпускнік БДЭУ, у 23 гады - кандыдат навук, у 33 гады - доктар, самы малады стыпендыят праграмы Фулбрайта. З 2013 да 2016 года - памочнік прэзідэнта ў эканамічных пытаннях. Галоўны ідэолаг лібералаў, аўтар бэстсэлера «Фінансавая дыета», які стаў самай абмеркаванай кнігай 2016 года. Яго прамовы на КЭФе становяцца speech of the year - ніхто іншы не рызыкуе ў лоб, вельмі спакойна і акадэмічна аргументавана казаць простыя рэчы накшталт той, што «сілавая рэакцыя на крызіс пагаршае яго».

Прызначэнне Рудога ў 2016 годзе ў Кітай некаторыя ўспрымаюць як спасылку і сігнал: рэформаў не будзе, разыходзімся. Але і на кітайскім кірунку амбасадар вельмі актыўны.

Другая кніга Рудога «Таму што так пастанавілі мы» аб правілах, якія ляжаць у аснове пастаноў у эканоміцы Беларусі, - яшчэ вастрэйшая і выклікае больш палярную рэакцыю.

Руды стаў рупарам ліберальнай эканомікі. Напрыклад, казаў, што рэформы Беларусі жыццёва патрэбныя, толькі «заходні гарнітур трэба адрозніваць ад заходніх мазгоў». А яшчэ крытыкаваў нацыянальныя культурныя асаблівасці з савецкім налётам, «якія ў доўгатэрміновым перыядзе назапашваюць эфект і становяцца бар'ерамі для прамых замежных інвестыцый». А на «Кастрычніцкім эканамічным форуме» ён заявіў, што для нармальнага развіцця краіне патрэбныя не эканамісты, а бізнэсоўцы.