У Гішпаніі больш за 100 тысяч заражаных COVID-19 і новы максімум смяротнасці

Краіна выявілася на трэцім месцы ў колькасці выпадкаў каранавірусу.

У Гішпаніі колькасць заражэнняў каранавірусам перавысіла 100 тысяч, памерлых ужо больш за 9 тысяч.

Пра гэта паведамляе «Еўрапейская праўда» са спасылкай на звесткі Міністэрства аховы здароўя Гішпаніі.

За апошні дзень у Гішпаніі зарэгістравалі 864 смерці ад каронавіруснай хваробы - гэта больш за ўсё з пачатку эпідэміі. Колькасць памерлых перавышае 800 ужо пяты дзень запар. Усяго ад каранавірусу ў краіне памерлі 9053 чалавекі.

На 1 красавіка ў Гішпаніі пацверджаныя больш за 102 тысячы выпадкаў заражэння каранавірусам. Гэта на 7719 больш, чым за папярэдні дзень.

З лякарняў ужо выпісаліся больш за 22 500 чалавек. Больш за 51 тысячу цяпер шпіталізаваныя. З іх амаль 5900 знаходзяцца ў рэанімацыі - гэта на 5% больш, чым учора.

Нагадаем, 30 сакавіка ўрад Гішпаніі ўхваліў узмацненне захадаў для стрымлівання распаўсюджвання каранавірусу.

Гішпанія займае цяпер трэцяе месца ў колькасці заражаных новым каранавірусам у свеце. Перад ёй ЗША і Італія.