Легалізацыйныя дакументы для іншаземцаў у Польшчы працягнулі аўтаматычна

Замежнікі, якія пражываюць у Польшчы, могуць на законных падставах заставацца ў краіне праз эпідэміялагічную сітуацыю.

Замежнікі, якія пражываюць у Польшчы, у якіх заканчваюцца тэрміны легалізацыйных дакументаў, могуць заставацца ў краіне на законных падставах праз эпідэміялагічную сітуацыю. Пра гэта піша Dziennik Gazeta Prawna.

Са слоў прэс-сакратара Упраўлення ў справах замежнікаў Якуба Дудзяка, калі тэрмін дзеяння віз і пасведчанняў асобы замежнікаў мінае, ён будзе аўтаматычна падоўжаны без неабходнасці падачы неабходных дакументаў. Гэтыя пастановы ўтрымліваюцца ў адмысловым законе, прысвечаным барацьбе з эпідэміяй, які нядаўна быў прыняты парламентам краіны. У той жа час тэрмін дзеяння дазволаў на працу для замежнікаў, якія знаходзяцца ў Польшчы, таксама будзе падоўжаны.

Упраўленне ў справах замежнікаў таксама нагадвае, што, хоць іншаземец на законных падставах знаходзіцца ў Польшчы з пратэрмінаванымі пасведчаннем асобы або візы, ён не можа свабодна перамяшчацца ў межах шэнгенскай зоны. Падаўжэнне легалізацыі распаўсюджваецца толькі на тэрыторыю Польшчы, адзначае агенцтва. Гэтыя правілы распаўсюджваюцца на грамадзян краін, якія не ўваходзяць у ЕЗ. Грамадзяне ЕЗ могуць заставацца ў Польшчы без асаблівых абмежаванняў, паведамляе Dziennik Gazeta Prawna.