Каранавірус у Брытаніі: колькасць загінулых дасягнула амаль трох тысяч

За дзень памерлі 569 чалавек.

Колькасць памерлых ад каранавірусу ў Вялікай Брытаніі вырасла амаль да 3 тысяч.

Як паведамляе «Еўрапейская праўда», адпаведныя звесткі апублікаваў брытанскі Дэпартамент аховы здароўя і сацыяльнай дапамогі.

За дзень у Вялікай Брытаніі ад каранавірусу памерлі 569 чалавек - на шэсць больш, чым напярэдадні. Гэта новы рэкорд смяротнасці за дзень. Агульная колькасць ахвяр дасягнула 2921.

Колькасць пацверджаных выпадкаў каранавірусу ўзрасла да 33718. Гэта на 4240 больш, чым напярэдадні.

Па стане на 9:00 раніцы 2 сакавіка, тэст на каранавірус у краіне здалі амаль 163 200 чалавек.

Раней прэм'ер-міністр Борыс Джонсан разаслаў лісты кожнай брытанскай сям'і і заклікаў заставацца дома.

Сам Борыс Джонсан таксама захварэў - аб станоўчым выніку тэсту стала вядома 27 сакавіка. Ён прадаўжае ўзначальваць урад, але знаходзіцца ў хатняй самаізаляцыі.