Еўрапарламент перадае адзін са сваіх будынкаў у Брусэлі пад шпіталь
3- 2.04.2020, 19:53
- 9,445
Таксама Еўрапарламент падасць 100 аўто для патрэб медыкаў.
Еўрапейскі парламент перадае адзін са сваіх будынкаў у Брусэлі пад шпіталь для лячэння хворых на каранавірус.
Як паведамляе «Европейская правда», пра гэта заявіў у відэазвароце прэзідэнт Еўрапарламента Давід Сасолі.
Прэзідэнт Еўрапарламента паведаміў, што перадае ў распараджэнне гарадскіх уладаў Брусэля адзін з будынкаў Еўрапарламента для размяшчэння пацыентаў і 100 аўто для патрэб медыкаў.
Our strength is our solidarity. As @Europarl_EN, we wanted to set a small example: we provided the Brussels authorities with one of our buildings to be used for patient care, as well as 100 vehicles. We are ready to do the same with our Luxembourg and Strasbourg offices. pic.twitter.com/PQHpMya6do
— David Sassoli (@EP_President) April 2, 2020
«Як Еўрапарламент, мы хочам прадэманстраваць невялікі прыклад салідарнасці і падалі ўладам Брусэля - на выпадак, калі ў гэтым будзе неабходнасць - адзін з нашых будынкаў для ператварэння ў шпіталь, а таксама - аўтапарк з 100 аўто.
Мы гатовыя зрабіць тое ж самае ў Люксембургу і Страсбургу. У гэтых гарадах размешчаны нашы офісы, і мы хочам падтрымаць іх жыхароў у гэтыя цяжкія часы. Наша сіла - у нашай салідарнасці», - адзначыў Давід Сасолі.
