Бешанковіцкаму райвыканкаму спатрэбіўся дарагі набор мяккай мэблі

Аплачваецца шыкоўная купля за кошт мясцовага бюджэту.

Набор з мяккай мэблі за 6 175 рублёў (блізу 3 тысяч даляраў) закупляе з адной крыніцы Бешанковіцкі раённы выканаўчы камітэт, піша news.vitebsk.cc.

Паводле дакументацыі закупкі, набываецца камплект з трохасабовай раскладной канапы і двух крэслаў (3152 рубля), тахты-ложку з артапедычным матрацам (1 328 рублёў) і пісьмовага стала з масіву дуба са стальніцай з МДФ (1 695 рублёў).

Гэты набор мэблі павінны паставіць у Бешанковіцкі райвыканкам да 7 ліпеня. Аплачваецца гэтая купля за кошт мясцовага бюджэту.