У Чашніцкім раёне каля вёскі хадзіў зубр
1- 21.07.2020, 21:48
- 24,731
Фотафакт.
Каля вёскі Вішковічы Чашніцкага раёна хадзіў зубр. Пры гэтым жывёла зусім не баялася людзей, якія сабраліся на яго паглядзець, піша газета «Чырвоны прамень».
Зубр зайшоў на лужок каля вёскі і спакойна гуляў паміж двума копамі сена. Жывёлу зусім не хвалявалі людзі, якія сабраліся паглядзець на нечаканага госця. Затым зубр пайшоў у лес.
Дырэктар раённай арганізацыі «Беларускага таварыства паляўнічых і рыбаловаў» Уладзімір Буевіч адзначыў, што гэта самец, яму, як мяркуецца, 3-4 гады. Спецыяліст растлумачыў, што часам зубры адбіваюцца ад статка і адыходзяць на 100 кіламетраў. Потым яны вяртаюцца да суродзічаў.
Зубры занесены ў Чырвоную кнігу Беларусі. Найбольшая іх колькасць жыве ў Белавежскай пушчы.
Восенню мінулага года зубра бачылі і ў ваколіцах Талачына.