23 верасня 2020, Серада, 20:15
Сім сім, Хартыя 97!
Рубрыкі

У Гародні бранявік карнікаў пратараніў аўто з 5-гадовай дзяўчынкай

127
У Гародні бранявік карнікаў пратараніў аўто з 5-гадовай дзяўчынкай

Дзіця, якое сцякала крывёй даставілі ў лякарню, ейнага бацьку арыштавалі.

У Гародні браняваны джып сілавікоў 11 жніўня пратараніў машыну з дзіцем. Пра гэта «Нашай Ніве» распавёў чалавек, які адвёз маму з дзяўчынкай у шпіталь:

«У аўто, якое збіў джып у Гародні пацярпела дзяўчынка 5 гадоў, яна сплывала крывёю. Даставілі яе і маму ў хуткую дапамогу, лекары сказалі патрэбная аперацыя. Мужа затрымалі.

- А як усё было?

- Гэтага я не ведаю, ехаў з вуліцы Суворава, убачыў мігалкі і паехаў у той бок. Вуліца была перацятая, бачу пабітае аўто і жанчына ў крыві з дзіцём на руках, дзяўчынка крычала. Яны казалі, што не сігналілі, проста ехалі.

Сілавікі сказалі ім, што яны самі вінаватыя.

Муж, калі я вёз яе ў шпіталь, патэлефанаваў жонцы і сказаў, што яго забрала міліцыя. Я патэлефанаваў праваабаронцам «Вясны» і расказаў усё. Яна перадала ім яго звесткі, каб ведаць, дзе яго шукаць потым».