Фотарэпартаж: У Менску жанчыны пратэстуюць у падтрымку затрыманых
5- 12.08.2020, 18:40
- 25,270
Жанчыны, якія сабраліся ля Камароўскага рынку, стаялі ланцугом і трымалі ў руках кветкі.
Акцыя прайшла на знак салідарнасці з затрыманымі і пацярпелымі падчас пратэстаў у мінулыя тры дні, піша РБК.
За тры дні, паводле інфармацыі МУС, было затрымана больш за 6 тысяч чалавек
Жанчыны, якія сабраліся ля Камароўскага рынку, стаялі ланцугом і трымалі ў руках кветкі
Нягледзячы на просьбы міліцыі разысціся, да прысутных жанчын далучыліся некалькі мінакоў
«Мне неабыякава, што цяпер адбываецца з маёй краінай. Я мяркую, што гэта незразумелая агрэсія і не справакаваны гвалт у дачыненні да мірных грамадзянаў», - распавяла РБК мастацтвазнаўца Кацярына, удзельніца акцыі. Яна жыве побач з ГЦ «Рыга», дзе ў панядзелак былі акцыі пратэсту, удзельніцай якіх яна была. «Улічваючы адключэнне інтэрнэту і немагчымасць даведацца, дзе менавіта праходзяць пратэсты, стаць удзельнікам акцыі пратэсту можна было выпадкова, нават не плануючы гэтага», - кажа Кацярына
Яшчэ адна ўдзельніца акцыі, Святлана, прыйшла да рынку «падтрымаць усю краіну». «Мы - за свабодную краіну. Мы стаміліся за 26 гадоў (Аляксандр Лукашэнка кіруе з 1994 года. - Заўвага.). А сёння я прыйшла, бо я бачу ў Telegram-каналах, якія жахі творыць наша міліцыя, наш АМАП, якім далі бязмежныя правы, яны збіваюць не толькі дэманстрантаў, але ўсіх запар», - распавёў яна
Такія акцыі салідарнасці праходзяць ва ўсім горадзе, напрыклад, ва Уруччы, ланцуг з жанчын выбудаваўся і каля станцыі метро «Каменная Горка».