У Кіеве прайшла акцыя, прымеркаваная да Дня беларускай сімволікі
7- 19.09.2020, 21:02
- 16,789
Беларусы і ўкраінцы адзначылі Дзень беларускай сімволікі на Майдане Незалежнасці.
У акцыі ўзялі ўдзел і беларусы, вымушаныя з'ехаць ва Украіну ў пошуках бяспекі. Актывісты трымалі бел-чырвона-белыя сцягі, а затым выстраіліся на плошчы так, каб слова «Жыве!» можна было прачытаць з паветра, і разгарнулі вялікі бел-чырвона-белы сцяг.
Адна з арганізатарак акцыі - актрыса тэатра, лідар рок-гурту Naka Настасся Шпакоўская, якая з'ехала з Беларусі разам з дзецьмі, сказала «Радыё Свабода»:
«Сёння свята нашага сапраўднага сцяга і сапраўдных сімвалаў. Гэтым флешмобам і відэа, якое мы зробім, мы хочам падтрымаць нашых беларусаў, якія цяпер знаходзяцца ў вельмі цяжкіх і жудасных умовах».