Нелегалы і беларускія сілавікі пайшлі ў атаку на польскіх вайскоўцаў, выкарыстоўваючы лазер, камяні і ствалы дрэваў.
14- 21.11.2021, 16:19
- 59,384
Беларускія спецслужбы падвезлі мігрантаў на грузавіку і навялі для іх спецыяльны мост праз дрот.
Блізу паўночы група са ста чалавек, дастаўленая да мяжы беларускімі службамі, спрабавала ў раёне Чарэмшы сілавым шляхам трапіць у Польшчу. Перад штурмам з беларускага боку да мяжы пад'ехаў грузавы аўтамабіль. Супраць польскіх вайскоўцаў былі скарыстаныя камяні, кавалкі дрэваў і асляпляльныя лазеры. Ніхто не пацярпеў. Пра гэта паведаміла ў нядзелю прэс-сакратарка Памежнай службы Польшчы Ганна Міхальская, паведамляе TVP.
«Беларускія спецслужбы прывезлі групу мігрантаў. Агулам там знаходзілася блізу 100 чалавек. Беларускія спецслужбы таксама выцягнулі драўляны масток і перакінулі яго праз памежную загароду. Польскія службы спрабавалі адабраць мост і не дапусціць ягонага перасячэння», – паведаміла Міхальская.
W sobotę 20.11 na odcinku ochranianym przez Placówkę SG w Czeremsze grupa ok.100 bardzo agresywnych cudzoziemców,przywiezionych pod granicę przez służby białoruskie,siłowo próbowała wedrzeć się do Polski🇵🇱. Służby zapobiegły sforsowaniu granicy.#zgranicy pic.twitter.com/HCpLNH42Qr
— Straż Graniczna (@Straz_Graniczna) November 21, 2021
«Нас закідалі камянямі, кавалкамі дрэваў – як беларускія сілавікі, так і замежнікі. Да таго ж было асляпленне ліхтарыкамі, лазерамі», – дадала прэс-сакратарка Памежнай службы Польшчы.
На польскую тэрыторыю праніклі 92 чалавекі. Праз некалькі метраў ад лініі мяжы яны былі затрыманыя, паінфармаваныя пра неабходнасць пакінуць польскую тэрыторыю і развернутыя да лініі дзяржаўнай мяжы. У здарэнні ніхто не пацярпеў, таксама не было неабходнасці прапаноўваць дапамогу.
Grupa migrantów przemieszczająca się wzdłuż granicy po stronie białoruskiej. Lokalizacja przekazana @Straz_Graniczna.
— Terytorialsi - Zawsze gotowi, zawsze blisko! (@terytorialsi) November 21, 2021
Nasze Grupy Rozpoznania Obrazowego 24/7 prowadzą rozpoznanie lokalizując próby nielegalnego przekroczenia granicy.#terytorialsi #SilneWsparcie pic.twitter.com/UNzwp5DxD8
Другая спроба сілавога перасячэння польскай мяжы адбылася блізу 19.30 у суботу на адрэзку, які ахоўваецца заставай у Мельніку.
«Група з дзясяткаў замежнікаў спрабавала трапіць у Польшчу, яны былі вельмі агрэсіўныя. У бок польскіх афіцэраў былі кінутыя камяні, кавалкі дрэваў. Ніхто не пацярпеў, але быў пашкоджаны службовы аўтамабіль польскага войска, у якім было разбітае шкло ў задніх дзвярах», – дадала Ганна Міхальская.
