The Washington Post: Байдэн мае намер балатавацца на другі тэрмін

Інфармацыю паведамілі ў атачэнні прэзідэнта ЗША.

Джо Байдэн мае намер балатавацца ў прэзідэнты ЗША на другі тэрмін. Выданне паведамляе пра паўторнае вылучэнне Байдэна на пасаду прэзідэнта на аснове апытання 28 чалавек, набліжаных да прэзідэнта.

Пра гэта паведамляе The Washington Post.

Гэтае паведамленне часткова накіраванае на тое, каб разбурыць меркаванне многіх дэмакратаў, што Байдэн можа не прэтэндаваць на пераабранне праз узрост (прэзідэнту споўнілася 79 гадоў) і падзенне рэйтынгу.

Дэмакратычная супольнасць занепакоеная пасля 6-месячнага перыяду, калі нацыянальны рэйтынг Байдэна ўпаў да 40% на фоне барацьбы з пандэміяй і інфляцыі.

"Адзінае, што я чуў, ён плануе зноў балатавацца. І я рады, што гэта так", – сказаў былы сенатар і сябар Байдэна Крыс Дод.