Лукашэнка завёз у Беларусь больш за дзесяць тысяч мігрантаў

Аб гэтым паведаміў прэм'ер Польшчы.

Больш за дзесяць тысяч мігрантаў, якія маюць намер трапіць у Еўрапейскі Звяз, застаюцца на тэрыторыі Беларусі, заявіў прэм'ер-міністр Польшчы Матэвуш Маравецкі пасля сустрэчы з прэм'ер-міністрам Латвіі Крыш'янісам Карыньшам у нядзелю ў Рызе.

Раней паведамлялася, што з Беларусі ў Ірак былі эвакуяваны 430 грамадзян гэтай краіны.

«Некалькі тысяч чалавек, увогуле больш за дзесяць тысяч чалавек, па-ранейшаму застаюцца на тэрыторыі Беларусі», - сказаў Маравецкі.

Ён падкрэсліў, што людзі, якія скарысталіся магчымасцю вярнуцца на радзіму, - гэта «тыя, хто бачыць безнадзейнасць гэтай сітуацыі, бачаць, што іх падмануў рэжым Лукашэнкі і кантрабандысты».

Таксама Маравецкі паведаміў, што польскія ўлады ад пачатку памежнага крызісу затрымалі амаль 400 чалавек, залучаных у кантрабанду людзей. «Гэта асобы розных нацыянальнасцей, у тым ліку заходнееўрапейскіх, блізкаўсходніх. Відаць, што міжнародная мафія ўдзельнічае ў дапамозе Лукашэнку ў выкарыстанні гэтых няшчасных людзей у палітычным крызісе на мяжы», - сказаў ён.