Пуцін рэвакцынаваўся ад каранавіруса

З моманту апошняй прышчэпкі ў Пуціна прамінула сем месяцаў.

Прэзідэнт Расеі Уладзімір Пуцін паведаміў, што рэвакцынаваўся ад каранавіруса прэпаратам «Спутнік Лайт», паведамляе ria.ru.

Пра гэта прэзідэнт расказаў на сустрэчы з намеснікам дырэктара Інстытута Гамалеі Дзянісам Лагуновым. "Сёння на вашу рэкамендацыю, на рэкамендацыю вашых калег я зрабіў сабе яшчэ адну прышчэпку "Спутнікам-Лайт", гэта ўжо называецца рэвакцынацыя", — сказаў Пуцін.

З моманту апошняй прышчэпкі ў Пуціна прамінула сем месяцаў - ён закончыў поўны курс вакцынацыі ў красавіку. Першапачаткова прэзідэнт не выдаваў, якім прэпаратам ён прышчапіўся, але праз некалькі месяцаў сказаў, што гэта быў "Спутнік V".