Маравецкі: Цвёрдае супраціўленне Польшчы і краін Балтыі прычынілася да запаволення дзеянняў беларускага рэжыму

Прэм'ер-міністр Польшчы правёў перамовы з калегам з Латвіі.

Прэм'ер-міністр Польшчы Матэвуш Маравецкі прыбыў у Латвію, якая, паводле парадку дня, стала трэцім пунктам ягонага прызначэння за сённяшні дзень. Перад гэтым ён пабываў у Эстоніі і Літве.

У Латвіі ён правёў перамовы з прэм'ер-міністрам краіны Крыш'янісам Карыньшам на тэму сітуацыі на беларуска-польскай мяжы і геапалітычных пагроз. Брыфінг аб выніках сустрэчы трансляваўся ў Facebook латвійскага ўрада.

Маравецкі адзначыў важнасць і паспяховасць каардынацыі дзеянняў у кірунку, які абмяркоўваецца.

"Цвёрдае супраціўленне Польшчы і краін Балтыі чынілася да запаволення некаторых дзеянняў беларускага рэжыму", - падкрэсліў ён.

Прэм'ер заявіў аб жаданні прадоўжыць супольную дзейнасць на ўсходнім флангу NАТO.

"Гэты фланг здольны прадухіліць небяспеку", - адзначыў ён.