На Гомельшчыне з аўкцыёну прадаюць… дарогу

Дарогу прадаюць у сувязі з банкруцтвам Лоеўскай ПМК.

На пляцоўцы электронных аўкцыёнаў ІПМ-таргі выстаўлены на продаж незвычайны лот - «Дарога асфальтаваная», яна належыць будаўнічаму прадпрыемству «Лоеўская ПМК-104», аднак знаходзіцца ў Рэчыцы.

Дарогу прадаюць у сувязі з банкруцтвам Лоеўскай ПМК, вядомы толькі адзін яе параметр - плошча 5800 квадратных метраў. Стартавая цана лота – 9960 рублёў, крок таргоў – пяціпрацэнтны. Пакупніку таксама трэба будзе кампенсаваць арганізатару таргоў затраты на іх правядзенне (7 працэнтаў ад кошту лота).