Трамп у найбліжэйшыя месяцы вернецца ў сацыяльныя сеткі

Экс-кіраўнік Белага дома плануе з'явіцца на ўласнай сацыяльнай платформе.

Былы прэзідэнт ЗША Дональд Трамп, рахунак якога заблакавалі ў Twitter, мерыцца вярнуцца ў сацыяльныя сеткі. Пра гэта 21 сакавіка паведаміў тэлеканалу Fox News памочнік палітыка Джэйсан Мілер.

Ён адзначыў, што гэта адбудзецца, як мяркуецца, праз два-тры месяцы на "ўласнай платформе".

Мілер уважае, што пасля новага з'яўлення Трампа ў сацыяльных сетках "усе будуць чакаць" і назіраць, чым займаецца палітык.

Больш падрабязнасцяў памочнік Трамп не абвясціў, але падкрэсліў, што платформа, на якой з'явіцца экс-прэзідэнт, будзе вялікая, а сам ён прывабіць "дзясяткі мільёнаў" карыстальнікаў.

9 студзеня сацыяльная сетка Twitter назаўжды заблакавала рахунак Трампа, дзе было 88 млн падпісчыкаў. Гэта адбылося пасля таго, як Трамп 6 студзеня на мітынгу перад Белым домам заявіў прыхільнікам, што ніколі не прызнае паразу на выбарах, і заклікаў ісці да будынка Кангрэса, дзе мелі абвясціць пераможцам выбараў дэмакрата Джозэфа Байдэна. Пратэстоўцы адправіліся да будынка Кангрэса ЗША і штурмам узялі яго. У выніку непарадкаў загінулі пяць чалавек, сярод іх і афіцэр паліцыі Капітолія, а ў Вашынгтоне праз гэта абвясцілі надзвычайнае становішча.