Фашызм у цэнтры Еўропы: «Палітычным» у беларускай калоніі нашываюць жоўтыя біркі
41- 17.05.2021, 20:34
- 39,872
Рэжым Лукашэнкі чакае трыбунал.
У шклоўскай калоніі «палітычным» нашываюць жоўтыя біркі. Пра гэта напісаў у лісце палітвязень Вітольд Ашурак.
«Палітычных тут не бракуе. Так што сумаваць падстаў няма. Тым больш, што адміністрацыя выдала загад мець жоўты колер бірак на адзенні, і таму палітычных можна адрозніць здалёк. Гэта многае спрашчае», - цытуе яго ліст прэс-служба Руху «За свабоду».
Ашурак упэўнены, што ў нашых умовах будзе вельмі карысны досвед Другой сусветнай вайны. Як вядома, у час вайны жоўтыя зоркі нашывалі на адзенні габрэям.
Вітольд Ашурак быў асуджаны на пяць гадоў калоніі. Суд над ім быў закрытым.