Сіноптыкі распавялі, якое надвор'е будзе ў Беларусі 22 ліпеня
2- 21.07.2021, 22:12
- 18,152
Краіна трапіла ў вобласць падвышанага атмасфернага ціску.
Анамальная спёка ў Беларусі аслабла, прыйшла доўгачаканая прахалода. У чацвер, 22 ліпеня, у рэспубліцы будзе ў асноўным без ападкаў, паведамляе сайт pogoda.by.
Так, 22 ліпеня надвор'е будзе вызначаць вобласць падвышанага атмасфернага ціску. Чакаецца пераменная воблачнасць, пераважна без ападкаў. Вецер паўночна-заходні, паўночны сярэдні, удзень месцамі парывісты.
Уначы слупкі тэрмометраў паднімуцца да +8°С на поўначы і да +16°С на паўднёвым усходзе Беларусі, удзень пацяплее да +21°С...+26°С.