Аляксандра Герасіменя - лукашыстам: На кожнага з вас сабраная тэчка і чакае свайго часу
23- 4.07.2021, 21:16
- 47,038
Наступіць заўтра - і ім давядзецца скакаць на пякельнай патэльні.
Кіраўніца Беларускага фонду спартыўнай салідарнасці (БФСС) Аляксандра Герасіменя падвяла вынікі чэрвеня.
«Арышты Дзмітрыя Руто, Яраслава Пісарэнкі і Косці Якаўлева, крымінальныя справы Сашы Івуліна (яшчэ не прыдумалі нават за што!) і студэнткі, якая села за падзяку «не тым, каму трэба» - гэта толькі малая крыха за ўсё, што адбываецца.
Яшчэ і трыятлон... Як можна арганізоўваць цяпер такое буйное спартовае мерапрыемства без гарантыі бяспекі ўдзельнікам? Ды і не можа ніхто гэтую бяспеку гарантаваць, нават свае, бо таксама могуць апынуцца за кратамі.
Вы толькі ўявіце: вы прыйшлі на працу, працуеце добрасумленна, а ваш калега наадварот, дрэнна працуе ды гарбату папівае. Вы яму дызлайк, а ён вам праз 5 хвілін АМАП і рукі за спіну «за непавагу» да яго асабістай прасторы. І працадаўца рукі ў бакі: «Так-так, ён вінаваты, я ні пры чым, забірайце». І пляваць хацелі на працоўны кодэкс, не кажучы ўжо пра маральны. Падабаецца? Аднак гэта нашы рэаліі. Вось менавіта так і адбылося на трыятлоне.
Усе, хто пры ўладзе або каля яе, адчуваюць сваю перавагу і беспакаранасць, ведайце - на кожнага з вас сабрана тэчка і чакае свайго часу. Наступіць заўтра - і вы будзеце скакаць на пякельнай патэльні і адказваць за свае ўчынкі па заслугах», - напісала Герасіменя.