У Расеі зафіксаваны максімальны рост выпадкаў заражэння COVID-19 за дзень
6- 9.07.2021, 17:36
- 6,002
Памерлі 726 чалавек.
У Расеі ўпершыню з пачатку студзеня выяўленыя максімальныя 25,7 тысячы (25 766) новых выпадкаў інфікавання каранавірусам SARS-CoV-2 за дзень, паведамляе «Нямецкая хваля».
Пры гэтым найбольшая колькасць зарэгістраваных заражаных у Маскве (6643), Маскоўскай вобласці (2545) і Санкт-Пецярбургу (1951). Усяго з пачатку пандэміі інфікаваныя, паводле афіцыйных звестак, 5 733 218 чалавек.
Як адзначаюць экспэрты, колькасць хворых на падставе звестак на 9 ліпеня суадносіцца са значэннямі першых лікаў студзеня, аднак у той перыяд адзначаўся пачатак спаду захворвання, цяпер жа ў Расеі практычна штодня фіксуецца прырост.
Памерлі 726 чалавек
Колькасць памерлых з дыягназам COVID-19 за мінулыя 24 гадзіны склала 726.
Больш за ўсё смяротных выпадкаў у Санкт-Пецярбургу (107) і Маскве (102). Пры гэтым з пачатку пандэміі, паводле звестак штаба, у Расеі з COVID-19 памерлі 141 501 чалавек.
Рост паказчыкаў на фоне распаўсюджвання «дэльта»-варыянту
Напярэдадні паведамлялася пра 734 памерлых, днём раней - пра 725. Паказчыкі заражэнняў і смерцяў ад каранавіруса растуць у Расеі з пачатку ліпеня, найбуйнейшымі агменямі з'яўляюцца Масква і Санкт-Пецярбург. Пры гэтым колькасць прышчэпленых ад каранавіруса крыху перавышае 10 адсоткаў. Усё больш рэгіёнаў РФ уводзяць абавязковую вакцынацыю для шэрагу груп насельніцтва.
Паводле звестак дырэктара НДЦ эпідэміялогіі і мікрабіялогіі імя Гамалеі Аляксандра Гінцбурга, на долю «дэльта»-варыянта каранавіруса прыпадае амаль 90 адсоткаў усіх выяўленых у Расеі выпадкаў заражэння.