КНДР заявіла пра выпрабаванне гіпергукавой ракеты
11- 29.09.2021, 10:16
- 2,668
Да гэтага часу ў распараджэнні Пхеньяна не было зброі такога тыпу.
Вайскоўцы КНДР у аўторак правялі выпрабавальны запуск новай гіпергукавой ракеты, паведамляе афіцыйнае паўночнакарэйскае інфармагенцтва ЦТАК.
Паводле паведамлення, Акадэмія навук нацыянальнай абароны КНДР выпрабавала ракету "Хвасон-8" раніцай 28 верасня ў вёсцы Даян павета Рэнрым правінцыі Чаган. Выпрабаванне ў Пхеньяне называюць паспяховым.
Адзначаецца, што за выпрабаваннем назіраў чалец Прэзідыума Палітбюро ЦК Працоўнай партыі Карэі (ТПК), сакратар ЦК партыі Пак Чон Чхон разам з кіроўнымі кадрамі сферы абароннай навукі.
ЦТАК называе распрацоўку гіпергукавой ракеты адной з пяці першачарговых задачаў на гэтую пяцігодку і адзначае, што яе рэалізацыя "прасоўваецца наперад".
Да гэтага часу ў распараджэнні Пхеньяна не было зброі такога тыпу.
Раней паведамлялася, што Паўночная Карэя ў аўторак раніцай зрабіла пуск ракеты малой далёкасці ў бок Японскага мора.
Снарад упаў за межамі выключнай эканамічнай зоны Японіі. Гэты пуск стаў сёмым выпрабаваннем зброі ў КНДР сёлета.