Названы лек, які можа значна зніжаць рызыку заражэння COVID-19

Ён ужо выкарыстоўваецца для паляпшэння абмену рэчываў.

Брытанскія эксперты ў ходзе даследаванняў выявілі, што прэпарат, які выкарыстоўваецца для лекавання анамальнага ўзроўню ліпідаў у крыві і высокага халестэрыну, можа значна знізіць інфекцыю COVID-19 у клетках чалавека.

Пра гэта паведамляе healthinfo.ua.

Даследаванне брытанскіх спецыялістаў паказала, што лек, які прызначаецца для зніжэння высокага ўзроўню халестэрыну, здольны змяншаць рызыку заражэння кавідам да 70 адсоткаў. Група навуковых экспертаў (супрацоўнікі Універсітэта Бірмінгема і Універсітэта Кіл) прыйшлі да высновы, што фенафібрат, прэпарат, прызначаны для кантролю высокага ўзроўню халестэрыну (і ягоная актыўная форма, фенафіброевая кіслата), «можа значна знізіць інфекцыю COVID-19 у клетках чалавека».

Фенафібрат, пераральны прэпарат, які выкарыстоўваецца для лекавання анамальнага ўзроўню ліпідаў у крыві і высокага халестэрыну, ухвалены для выкарыстання ў Вялікай Брытаніі. Ён эфектыўны ў павышэнні ўзроўню «добрага» халестэрыну ЛПВП, які звязваецца з «дрэнным» (ЛПНП) і выводзіць яго з арганізма.

Што тычыцца каранавірусу, яшчэ ў 2020 годзе навукоўцы выявілі, што вірус COVID-19 выкарыстоўвае рэцэптары ACE2 для пранікнення ў клеткі лёгкіх. Ён інфекуе гаспадара з дапамогай узаемадзеяння паміж сваім бялком «спайк» і бялком рэцэптара ACE2 на клетках-гаспадарах. Навукоўцы выявілі, што фенафібрынавая кіслата дэстабілізуе рэцэптарзлучальны дамен віруснага спайкавага бялку і інгібіруе клетку, звязваючыся з рэцэптарамі ACE2. На іхнюю думку, фенафібрат можа быць эфектыўным у зніжэнні інфекавання клетак. У рамках даследавання ягонае выкарыстанне дазваляла скарачаць узровень інфекавання чалавечых клетак да 70 адсоткаў.