«У адзін дзень з працаўнікамі спыніце працу»: Дзяніс Гуткоўскі звярнуўся да прадпрымальнікаў
4- 29.09.2021, 13:51
- 10,500
Мы можам кансалідаваць нашы сілы ў адзін магутны кулак.
Вядомы беларускі фітнэс-трэнер Дзяніс Гуткоўскі, які баставаў больш за два месяцы, звярнуўся да прадпрымальнікаў.
Тэкст ягонага звароту апублікаваў тэлеграм-канал «Беларускага аб'яднання працоўных» (БАР):
- Родныя мае, беларусы, добры дзень!
Калі, вядома, можна называць добрымі дні да нашай перамогі.
Сябры мае, сёння хачу звярнуцца да кожнага з вас, да кожнага, у кім яшчэ гарыць дух і агонь пратэсту. А сёння, прынамсі, я звяртаюся да індывідуальных прадпрымальнікаў.
Сябры мае, бізнэсоўцы, вы кожны дзень здзяйсняеце подзвіг. Бо весці свой бізнэс у Беларусі - гэта сапраўды подзвіг. Гэта барацьба з бюракратычнай цяганінай, штодзённымі новаўвядзеннямі і праверкамі з нагоды і без. Вы, як ніхто іншы ведаеце, што такое змагацца за сваё дзецішча ў Беларусі.
Сябры мае, хто сказаў, што мы саступілі ў баі? Хто сказаў, што мы саступілі ў бітве і хто сказаў, што саступілі ў пратэсце? Як можна саступіць у тым, што ўнутры нас? У нашых сэрцах і ў нашых розумах? Мы можам перамагчы і мы абавязаныя перамагчы.
Рабочыя рыхтуюцца да гістарычнай падзеі ў гісторыі Беларусі. Рабочыя рыхтуюцца спыніць усе прадпрыемствы да таго дня, пакуль кожны з нас не стане свабодным, пакуль не выйдуць з турмаў тыя палітычныя зняволеныя, якія ўтрымліваюцца там, у страшных нялюдскіх умовах без ежы, без вады, без медыцынскай дапамогі і самае галоўнае - без надзеі. І да той пары, пакуль яны не выйдуць на свабоду, мы не маем права спыніцца.
Сябры мае, працоўныя рыхтуюцца да стачцы. Яны запасаюцца прадуктамі, ствараюць, падрыхтоўваюць матэрыяльную базу і забастовачныя касы на месцах. Чым жа можам дапамагчы ім мы? Чым можаце дапамагчы ім вы, прадпрымальнікі? Бо летась вы ўжо паказалі сваю чалавечнасць і салідарнасць.
Родныя мае, дапамагчы стачцы можна, не закрываючы сваю арганізацыю, а толькі ўсім калектывам, дружна сысці ў адпачынак. Так, да гэтага дня таксама можна падрыхтавацца. Правядзіце на месцах невялікія рэвізіі, паглядзіце колькі вы маеце рэсурсу і на які час вы можаце паляцець. І ў той самы дзень з працаўнікамі спыніце працу. Усе разам, аб'яднаўшыся, мы можам кансалідаваць нашы сілы ў адзін магутны кулак, які сціснецца на горле ў сіняпальцага дыктатара.
Мы можам перамагчы і мы пераможам, родныя.
Стачцы быць!
Жыве Беларусь!
Жыве вечна!