«Народ не выйдзе на працу - і ўсё»
3- 29.09.2021, 17:22
- 7,110
Рабочая сіла вызначае.
Telegram-канал «Беларускага аб'яднання працоўных» (БАР) прадаўжае атрымліваць зваротную сувязь ад рабочых. Вось, да прыкладу, разважанні рабочых пра заробкі:
- У пачатку тысячагоддзя нармальным быў бы заробак 500 у.а. і размовы пра яго вяліся. З тых часоў свет ступіў далёка наперад і цяпер гэта ўжо не нармальны заробак. Нармальны, улічваючы ўсе ўмовы, - гэта 1000 у.а.
А ў нас дагэтуль размовы пра 500 у.а.
Так!
І важнае ўдакладненне: гэты заробак (1000 у.а.) пры нармальных умовах працы: адна стаўка (змена), з адпаведным графікам, без дзікіх перапрацовак.
Адпаведна, пры працы звыш нормы - заробак павінен быць вышэйшым.
Па сутнасці справы, хунта тупа крадзе больш за палову заробку, без уліку падаткаў.
А вось, што працоўныя думаюць пра страйк:
- Працоўная сіла вызначыць усё. Станкі не запрацуюць, народ не выйдзе на працу - і ўсё. А калі выйшлі на працу, то сядзець і не запускаць вытворчасць. У краіне грошай няма. Ідуць затрымкі заробкаў, заробкі сталі паменшацца, бо збыту прадукцыі няма. А ўсе грошы, запрацаваныя заводамі, ідуць у рукі сіняпальцаму. Так што рабочыя - думайце. А то казалі «во, непрацуеш, жэрці што будзеш». Неўзабаве з прылаўкаў знікне тавар.