Адных і тых жа беларускіх кароў спрабавалі двойчы увезці ў Расею

Жывёл зноў вярнулі ў Беларусь.

У Бранскай вобласці Расеі быў затрыманы аўтамабіль, які перавозіў кароў з Беларусі ў аб'езд афіцыйных ветэрынарных кантрольных пастоў. Супрацоўнікі Рассельгаснагляду ўстанавілі, што каровы не мелі прыкмет ідэнтыфікацыі і перавозіліся ў непрызначаным для гэтага аўтамабілі. Кіроўца растлумачыў, што жывёлы ідуць з Магілёўскай вобласці, але не падаў ветэрынарных суправаджальных дакументаў. Кароў вярнулі ў Беларусь, а іх уладальніка прыцягнулі да адміністрацыйнай адказнасці.

28 верасня той жа самы аўтамабіль з тымі ж каровамі зноў спынілі ў Бранскай вобласці. Пасля разбору жывёл зноў вярнулі ў Беларусь, а ўладальніка прыцягнулі да адміністрацыйнай адказнасці, паведамляе Упраўленне Рассельгаснагляду Бранскай, Смаленскай і Калужскай абласцей.