Кошт біткойна абрынуўся

Кошт крыптавалюты стаў падаць на фоне падзей у Казахстане.

Кошт біткойна абрынуўся ніжэй за 40 тысяч даляраў за манету. Пра гэта сведчаць звесткі Coindesk. Гэта адбылося ўпершыню са жніўня 2021 года. Падчас таргоў у панядзелак, 10 студзеня, кошт самай папулярнай крыптавалюты апускаўся да 39,83 тысяч даляраў.

Кошт біткойна стаў падаць у студзені на фоне падзей у Казахстане. Падчас акцый пратэсту там адключылі інтэрнэт, а краіна да нядаўняга часу з'яўлялася другой у свеце па аб'ёмах майнінгу.