Расея праводзіць беспрэцэдэнтную аперацыю перакідвання войскаў у Беларусь

Эшалоны прыязджаюць далей.

«У цені засталася падрыхтоўка супольных беларуска-расейскіх вучэнняў «Саюзная рашучасць - 2022». А падзея сапраўды неардынарная. Упершыню ў постсавецкай гісторыі Расеі праводзіцца такая маштабная перакідка сіл на вялікія адлегласці», - піша Telegram-канал Цэнтра аналізу стратэгій і тэхналогій (АСТ).

14 студзеня 2022 г розныя сродкі масавай інфармацыі паведамілі пра раптоўную праверку боегатоўнасці войскаў Усходняй вайсковай акругі. Часткі акругі прыступілі да перакідкі на захад на палігоны Беларусі для ўдзелу ў вучэннях «Саюзная рашучасць - 2022».

З паведамлення тэлеграм-канала «Live. Супольнасць чыгуначнікаў Беларусі», у прамежку з 16.01.2022 да 21.01.2022 на тэрыторыю Рэспублікі Беларусь, у рамках правядзення супольных стратэгічных вучэнняў Узброеных сіл Рэспублікі Беларусь і Расейскай Федэрацыі «Саюзная рашучасць» за 7 дзён ужо прыбылі больш за 33 воінскіх эшалонаў з вайскоўцамі ВС РФ. Эшалоны прадаўжаюць прыбываць.

Паводле распрацаванага «Графіку руху воінскіх эшалонаў» (ВЭШ), агульная колькасць эшалонаў, што прыбудуць у Беларусь - 200 воінскіх цягнікоў - лічба нерэальная (такой колькасці ніколі не было), сярэдняя колькасць вагонаў у воінскіх эшалонах роўна 50.

У саставах воінскіх эшалонаў задзейнічаныя наступныя адзінкі рухомага саставу: пасажырскія вагоны, крытыя вагоны (уключаючы з паметкай ВМ — выбуховыя матэрыялы 1 клас небяспекі і крытыя вагоны, пераабсталяваныя пад перавозку людзей), платформы для перавозкі воінскай тэхнікі і вагоны прыкрыцця.

Нагадаем: пры правядзенні супольных стратэгічных вучэнняў «Захад – 2021» у Рэспубліку Беларусь за месяц прыбылі ўсяго 29 воінскіх эшалонаў.