«І гэта Гомель, што чаўпецца ў рэгіёнах — страшна ўявіць»

Што апавядаюць беларусы пра эпідэмію «омікрона»

Telegram-канал "Беларусь галаўнога мозгу" падзяліўся інфармацыяй аб сітуацыі з "омікронам" у краіне:

«Добры дзень! Хачу падзяліцца інфармацыяй наконт сітуацыі з Ковідам у рэгіёнах. Сяброўка жонкі працуе доктаркай у раённай паліклініцы. Места невялікае – блізу 10 тысяч, прыкладна яшчэ столькі ж жыве ў раёне (агулам у мястэчку і раёне жыве блізу 18 тысяч). Дык вось, доктарка расказала, што раённая лабараторыя за дзень фіксуе блізка што 18-20 выпадкаў Ковіду. Гэта значыць, на 18 тысяч насельніцтва - 18-20 выпадкаў штодня. А гэта складае блізу 0,1% - і гэта яшчэ да прыходу омікрона ў рэгіёны. Што, мусібыць, падобна да праўды, бо аналагічныя лічбы фіксуюць у суседніх краінах, дзе статыстыка вядзецца публічна і сумленна, а не на загаду зверху.

Калі 0,1% інтэрпаляваць на насельніцтва ўсёй краіны - то рэальныя лічбы маюць быць як мінімум блізу 9000 выпадкаў захворванняў ад Ковіду штодня, а не 2000 - як гэта малююць цяпер. Наконт нашэння масак - сітуацыя ў раёне жахлівая - усё больш і больш неадэкватных людзей іх не носяць - нават калі наведваюць паліклініку…

Улетку такога не было».

"6 лякарняў Берасця, у дзень шпіталізацыя да 90 чалавек, амбулаторна столькі ж, пры гэтым 2 аддзяленні пустыя, самае цікавае, яны пачалі працягваць кіслародныя пункты толькі праз два гады, гэта жах".

«У сераду была ў паліклініцы, Менск. У чырвонай зоне я налічыла 42 чалавекі. Разам: прасядзела ў чарзе 2,5 гадзіны. Усе сімптомы рэспіраторнай інфэкцыі (омікрона). Іх не адрозніць. Моцная млявасць, ламаніна, слабае дыханне, пульс 93, тэмпература 37,3. Узялі тэст на антыген. Адмоўны. Далі лісток на паўтара тыдня. І праз 2 гадзіны я прачытала навіну. Што калі тэст на антыген адмоўны, але пры гэтым усе сімптомы рэспіраторнай інфэкцыі, павінны адправіць на ПЛР. На жаль... Не адправілі. Шкада, што я прачытала пазней. А так бы патрабавала».

«Добры дзень. Пазаўчора былі ў 4 лякарні Менска. Чакалі лекара бязмала гадзіну. Прыйшоў і сказаў, што з сённяшняга дня (27) паступіў загад – усе шпіталі (акрамя шпіталю хуткай дапамогі) на карантыне, планавыя аперацыі пераносяцца мінімум на 2-3 месяцы, аперацыі толькі неадкладныя».

«Захварэў муж. Пайшоў са звычайнымі прыкметамі ВРВІ (тэмпература, горла, катар). Лекарка спытала: ці жадаеце зрабіць тэст? Муж пагадзіўся. Але шмат хто адмаўляецца...увечары патэлефанавалі і сказалі, што вынік дадатны. На наступны дзень прыйшоў лекар дадому. Паслухаў яго. Даў рэкамендацыі. Што да сямейнікаў - ні ў каго тэсты не бралі. Сказалі, што калі будуць сімптомы, то самі ідзіце ў чырвоную зону, і тады накіруюць на тэст. Нават дзецям такая схема... а калі ўсё ладам, то дзеці ў школу, садок. Я таксама магу рабіць што хачу ... летась хварэлі, усё было па-іншаму, тэсты адразу ўсім сямейнікам рабілі, і ўсё было ясна. Так, у сына не было сімптомаў, а вынік быў дадатны. А гэтым разам ходзім і не ведаем».

«Вітаю! Увогуле, пра ковід. Да гэтага нібыта не хварэў або пераносіў лёгка, але цяпер прыйшла і мая чарга. У паліклініцы прасядзеў 4 гадзіны сярод "тэмпературнікаў", пакуль дайшла чарга. Выдалі лісток непрацаздольнасці, адправілі здаць матэрыял на аналіз, і дадому - лячыцца. Затэлефанаваў знаёмаму лекару, ён прапанаваў у яго ў шпіталі аналіз зрабіць і на ўсялякі выпадак тэст на ковід зрабіць. У выніку тэст дадатны. Да прыймання ў тэрапеўткі павылазілі іншыя спадарожныя болькі. Тэрапеўтка (вельмі стомленая) практычна без агляду (хоць болек павылазіла шмат) проста падоўжыла лісток, потым неахвотна выдала накіраванне на ПЛР-тэст. У выніку ўсё лячэнне фактычна прызначыў знаёмец, ад тэрапеўткі карысці наогул 0. Я хоць і рэдка хаджу да лекараў, але такое стаўленне ўбачыў першы раз у сваёй практыцы. І гэта Гомель, што чаўпецца ў рэгіёнах, страшна ўявіць. Пасля гэтага разумееш, што сістэма аховы здароўя ў нашай краіне - труп».

«Сітуацыя на адным з факультэтаў БДПУ. Студэнты 2 груп завочнага аддзялення сядзяць у адной аўдыторыі на лекцыйных занятках. З 40 +/- чалавек блізу 15 з тэмпературай, шмат хто хварэе з кашлем, у 3 пацвердзіўся COVID. Нас не адправілі на дыстанцыйнае навучанне».